image-ads_2000x150
image-kastus-kalinovskibackend

Belarus batalyonu Ukrayna SQ-nin tərkibinə keçdi və “Sədaqət andı” içdi – VİDEO

image-ads_728x90

Sosial şəbəkədə Ukraynada belaruslu könüllülərin yaratdığı Kastus Kalinovski adına “Belarus Batalyonu” silahlı birləşməsinin Ukrayna Silahlı Qüvvələrinə sədaqət andı içməsini əks etdirən görüntülər yayılıb.

Alp.Az UNIAN-a istinadla bildirir ki, hadisə martın 25-də çəkilib və bu, Belarus xalqının qeyri-rəsmi qeyd etdiyi bayramlardan birinə – Milli İradə Gününə təsadüf edib.

Sədaqət andı içən belaruslu könüllülər Ukrayna Silahlı Qüvvələrinin tərkibinə keçdiklərini bəyan ediblər.

Sözügedən andiçmə mərasimi Ukrayna SQ-nin ənənəvi andiçmə mərasimindən onunla fərqlənib ki, belaruslu döyüşçülər Ukrayna xalqı ilə yanaşı, Belarus xalqına da sədaqət andı içiblər. Videodan göründüyü kimi, belaruslu döyüşçülərin çoxu NATO ölkələrinin ordularında istifadə olunan silahlar tutur və NATO hərbi forması geyiniblər.

Martın 25-də belaruslar qeyri-rəsmi milli bayram olan Azadlıq Gününü, ilk milli Belarus dövlətinin, Belarus Xalq Respublikasının yaranmasının ildönümünü (25 mart 1918-ci il) qeyd edirlər.

Vinsent Konstantin Kalinovski (daha çox Kastus Kalinovski kimi tanınır – red.) müasir Litva və Belarus torpaqlarında Rusiya imperiyasına qarşı yönəlmiş Polşa Yanvar üsyanının regional liderlərindən biri olub.

Bir qədər əvvəl özünü Belarus prezidenti elan edən Aleksandr Lukaşenko bildirib ki, Belarus Ukraynaya qarşı müharibəyə yalnız ona qarşı təcavüz başlayarsa, gedə bilər.

Rüfət 

Alp.Az

image-ads_728x90

  • whatsapp
  • messenger
  • telegram
  • vkontakte
  • odnoklassniki