İran Kəşfiyyat Nazirliyinin (ETTELAAT) 5 nəfərdən ibarət casus şəbəkəsinin Nyu-Yorkda mühacirətdə yaşayan müxalif jurnalist qadın və hüquq müdafiəçisi Məsih Əlinejadı oğurlamaq istəyib.
Lakin onların jurnalisti oğurlayaraq İrana qaytarmaq cəhdi uğursuz alınıb.
Bu barədə,Amerikanın Ədliyyə Nazirliyi iyulun 13-də məlumat yayıb.
Bəyanatda sözü gedən qadın jurnalistin adı çəkilməsə də, həm İran və həm Amerika vətəndaşı olan tanınmış jurnalist və qadın hüquq müdafiəçisi Məsih Əlinejad “Twitter” səhifəsində paylaşım edərək, ETTELAAT-ın onun barəsində qurduğu planı zərərsizləşdirib onun həyatını təhlükədən qurtadığı üçün Amerikanın fedaral polisinə (FTB) öz təşəkkürünü bildirib.
Amerikanın Nyu-Yorkdakı bir federal məhkəməsi də barələrində cinayət işi açılan və beynəlxalq axtarışa verilən sözü gedən ETTELAAT əməkdaşlarını jurnalisti oğurlamağa cəhddən başqa, həm də bank fırıldaçılığında, İrana qarşı tətbiq edilən sanksiyalardan yan keçməkdə və çirkli pulların yumasında günahlandırıb.
Amerikanın Nyu-Yorkdakı federal məhkəməsinin bildirdiyinə görə, İran Kəşfiyyat Nazirliyinin (ETTELAAT) əməməkdaşları olan 50 yaşlı Əlirza Şəhvaruqi, 42 yaşlı Mahmud Xazeyin, 35 yaşlı Kiya Sadeqi və 45 yaşlı Ümid Nuri Nuyu-Yorkun Bruklin məntəqəsində yaşayan iranlı müxalif jurnalist Məsih Əlinejadı oğurlamaqda və onu gizli yollarla İrana qaytarmağa cəhddə günahlandırıb.
Bildirilir ki, ETTELAAT əməkdaşları Amerikanın Kaliforniya ştatında yaşayan Neli Bəhadorufər adı ilə tanınan Nilufər Bəhadorifər adlı İran əsilli bir qadını da bu işə cəlb ediblər.
Məlumata əsasn, ETTELAAT əməkdaşları Məsih Əlinejadı oğurlamaq üçün 2020-ci ildən bu yana hazırladığı plan üzərində işləmiş, həmin müddətdə isə onun yaşadığı yeri, evdən işə getdiyi saatları və gedib-gəldiyi məkanları nəzarətdə saxlamışdılar.
Qeyd edilir ki, ETTELAAT-ın hazırladığı plana əsasən, qadın jurnalist oğurlandıqdan sonra sürət qayığı ilə gizli İranın müttəfiqi olan Venessuellaya aparılmalı və oradan İrana qaytarılmamıymış.
Məlumata görə barələrində cinayət işi açılan və beynəlxalq axtarışa verilən sözü gedən şəbəkə üzvləri olan ETTELAAT əməkdaşlarının hazırda İranda olduğu təxmin edilir.
Xatırladaq ki, tez-tez yaydığı video-çarxlarda İran rejiminin insan hüquqlarını kobud şəkildə pozması hallarını faktla ifşa edərək kəskin tənqid edən jurnalist Məsih Əlinejad, həm də İran qadınlarının icbari hicaba qarşı apardığı etiraz kampaniyasının əsas fəallarından biridir.
