Çirkli pulların yuyulması ittihamı ilə 2016-cı ildə ABŞ-da həbs olunan, təxminən il yarım sonra Federal Təhqiqatlar Bürosu ilə anlaşmaya gedərək azadlığa çıxan, o vaxtdan bəri görünməyən İran əsilli azərbaycanlı milyarder Rza Zərrab Aaron Goldsmith adı ilə ortaya çıxıb. Alp.az xəbər verir ki, FETÖ-ya yaxın olan Tr724 adlı internet saytı onun yerini və yeni işinin nədən ibarət olduğunu açıqlayıb.
Məlum olub ki, bir vaxtlar İrana aid milyardlarla dollar və tonlarla qızılı sanksiyalardan yayındırmaqla “yuyan” qalmaqallı iş adamı Florida ştatında “Next Level Performance Center” adlı şirkət qurub. Və ad-soyadını dəyişdirib. Məlum olub ki, onun şirkəti atçılıq mərkəzi açıb. Rza Zərrab-Aaron Goldsmith bildirib: “20 ilə yaxındır bu sektorun içərisindəyəm və əsasən sıçrama üzərində çalışırdım, indi isə at yetişdirmə məsələsi ilə məşğul olmağa başladıq. Arxamda çox güclü komandam var”.
Rza Zərrab bir vaxtlar Türkiyədə müğənni Ebru Gündeşlə evil idi, amma onu ABŞ-da həbs edəndən bir müddət sonra müğənni boşandı.virtualaz.org
