Güney azərbaycanlı futbolçu, Təbrizin “Qostərişi Fulad” komandasının keçmiş oyunçusu Məhəmməd Muğanlu həlak olub. O, ötən gün qəza nəticəsində faciəli şəkildə dünyasını dəyişib.
Məhəmməd Muğanlu Tehranın “Nəsim-i Şəhr” bölgəsində şəhər şurasına namizədlərdən birinin təbliğat banerini asarkən qatarın vurması nəticəsində yerindəcə ölüb.
Məhəmməd Muğanlu Şərqi Azərbaycanın Çaroymaq şəhərindəndir.
Onun qardaşı Tehranın “Nəsim-i Şəhr” bölgəsindən şəhər şurası seçkilərinə namizədliyini irəli sürüb.
Muğanlu bundan öncə “Umidi Perspolis” və “Fəcri Sepasi” futbol komandalarında çıxış edib.
