İyunun 22-də futbol üzrə Avropa çempionatının qrup mərhələsinin III turunun daha iki qarşılaşması oynanılıb.
D qrupunun son turunda İngiltərə millisi Çexiya seçməsi ilə üz-üzə gəlib.
Londonun “Vembley” stadionunda keçirilən görüş ingiltərəlilərin minimal hesablı qələbəsi ilə başa çatıb – 1:0. Oyunda yeganə qolu 12-ci dəqiqədə Rahim Sterlinq vurub.
D qrupunun digər görüşündə isə Xorvatiya millisi Şotlandiyanı 3:1 hesabı ilə məğlub edib.
Bu nəticələrdən sonra İngiltərə 7 xalla qrup lideri, Xorvatiya 4 xalla 2-ci yerin sahibi kimi 1/8 finala yüksəlib. Xorvatiyadan yalnız top fərqində geri qalan Çexiya 4 xalla 3-cü yeri tutaraq, öz qruplarını eyni pillədə başa vurmuş Ukrayna və Finlandiyadan daha çox xal toplaması səbəbindən mərhələ adlayıb. Şotlandiya isə 1 xalla qrup sonuncusu olub və mübarizəni dayandırıb.
Xatırladaq ki, Bakı Olimpiya Stadionu iyulun 3-də dörddəbir final mərhələsinin bir oyununa ev sahibliyi edəcək.
