Türkiyənin ən böyük şirkətlərindən biri olan ASELSAN, daha bir uğur gətirəcək layihəyə start verir. Alp.az xəbər verir ki, şirkət kosmik teleskop lensi istehsalına başlayacaq. Bu barədə Türkiyənin Sənaye və Texnologiya Naziri Mustafa Varank çıxışı zamanı bildirib.
Türk mühəndisləri tərəfindən inkişaf etdirilən və istehsal olunan yüksək texnoloji məhsullarla dünyada tanınan ASELSAN şirkətinin uğurlarından danışan nazir bildirib ki, məhz bu şirkətin uğurlu lahiyələri nəticəsində Türkiyə iqtisadiyyatı 100 milyonlarla dollar vəsait qazanıb.
ASELSAN şirkəti tərəfindən istehsal olunan məhsulların demək olar ki, hamısının müəyyən miqdarda ixrac edildiyini vurğulayan Varank, “Made In Turkey” markalı məhsulların Sivasın mərkəzindən gəldiyini və dünyanın hər yerində istifadə edildiyini bildirib.
