Ukrayna prezidenti Vladimir Zelenski Rusiya ilə əməkdaşlığa görə cinayət məsuliyyəti haqqında qanun imzalayıb. Alp.az Ukrayna mətbuatına istinadən verdiyi xəbərə görə, Ukrayna Cinayət Məcəlləsinə “Əməkdaşlıq fəaliyyəti” maddəsi 111-1-ci maddə ilə əlavə edilib və bu maddə ilə təcavüzkar dövlət və onun işğalçı administrasiyası və ya onun hərbi və ya hərbiləşdirilmiş birləşmələri ilə hərbi, siyasi sahədə əməkdaşlığa görə 15 ilədək həbs cəzasını nəzərdə tutur.
Həmçinin Cinayət Məcəlləsinin yeni maddəsində dövlət orqanlarında və yerli özünüidarəetmə orqanlarında vəzifə tutmağın, habelə müxtəlif səviyyəli seçkilərdə namizəd, müşahidəçi, seçki komissiyalarının üzvü və prezidentliyə namizədlərin vəkil edilmiş şəxslərinin olması qadağan edilir.
Zelenskinin imzaladığı digər qanun səlahiyyətli şəxsləri əməkdaşlıqda ittiham olunan siyasi partiyaların və şirkətlərin ləğvinə icazə verir.
