Ukrayna prezidenti Vladimir Zelenski sosial şəbəkə hesabında Kiyev vilayətinin Buça şəhəri rus işğalçılarından azad edildikdən sonra oradan dəhşətli fotolar nümayiş etdirib.
“Buxarest, NATO sammitinin bəyannaməsi. 3 aprel, 14 il əvvəl. Qarşısını almaq şansı var idi. Rusiya gəlməsin. Buça, Kiyev vilayəti. İndi. Rusiya gəldi”, – dövlət başçısı Telegram kanalında bildirib.
Eyni zamanda o, rus analarına müraciət edib.
“Rusiya hərbçilərinin analarına baxmağı məsləhət görürəm. Görün nə əclafları yetişdirmisiniz. Qatilləri, qarətçiləri, cəlladları”, – Zelenski əlavə edib.
Rusiya Federasiyasının Müdafiə Nazirliyi Kiyev vilayətinin işğal olunmuş şəhərlərində rus əsgərləri tərəfindən kütləvi qırğınlar törətdiyini inkar edir. “Buçanın Rusiya Silahlı Qüvvələrinin nəzarətində olduğu müddətdə bir nəfər də olsun yerli sakin hər hansı zorakılıq hərəkətindən əziyyət çəkməyib”, – idarədən bildiriblər.
Rusiya qoşunları Kiyev vilayətində işğal etdikləri yaşayış məntəqələrini tərk edirlər. Reuters agentliyinin jurnalistləri Ukrayna paytaxtından təxminən 25 kilometr aralıda yerləşən Buçada olublar.
Orada gördülər ki, şəhərin yalnız küçələrindən birində mülki geyimli iyirmiyə yaxın kişi cəsədi var. Ukrayna hakimiyyəti bu şəxslərin Rusiya hərbçiləri tərəfindən öldürüldüyünü bildirib.
İşğal zamanı şəhərdə qalanlar nə deyir?
Videoda şok görüntülər yer alıb.
Müharibə şəraitində BBC həmişə rəsmilərin və bəzi hadisələrin şahidlərinin verdiyi məlumatları tez təsdiq edə bilmir.