image-ads_2000x150
image-213475_900backend

Yəhudilərə savaş açan yapon qız: Fusako Siqenobunun istəyi nə idi? 

image-ads_728x90

İndi 76 yaşı olan Fusako Siqenobu 20 illik həbsdən sonra mayın 28-də azadlığa çıxıb.

image-bez-nazvaniya

O, 1945-ci ildə Tokioda doğulub. Meydzi universitetini bitirib. Aşırı sağçı görüşlərə malik atasından fərqli olaraq, sol görüşləri mənimsəyib.

O, 1971-ci ildə “Yaponiya Qırmızı Ordusu” adlı təşkilat yaradır. Həmin il Livana gedir və burada Corc Habaşın rəhbərlik etdiyi marksist-leninçi Fələstin Xalq Qurtuluş Cəbhəsi ilə əlaqələr qurur.

YQO-nun ən məşhur aksiyası 1972-ci il mayın 30-da Tel-Əvivin Lod (indiki Ben-Qurion) hava limanında törətdiyi qətliam oldu. Aralarında Fusakonun əri Tsuyoshi Okudayranın da olduğu üç terrorçu aeroportun gözləmə zalında olanlara avtomat silahlardan atəş açdılar, əl qumbaraları atdılar.

Terror aktı nəticəsində 2 terrorçudan əlavə 26 nəfər həlak oldu. Onlardan 17-i Puerto-Rikodan gələn xristian zəvvarlar idi (aralarında rahibələr də vardı). Bir nəfər Kanada vətəndaşı olan yəhudi, səkkiz nəfər isə İsrail vətəndaşı idi. Sonuncular arasında dünya şöhrətli bioloq, 1962-1968-ci illərdə İsrail Elmlər akademiyasının prezidenti olan Aaron Katsir də vardı (qardaşı Efraim Katsir 1973-1978-ci illərdə İsrailin prezidenti oldu). Yaralananların sayı isə 78 idi.

Fusako Siqenobu saxta pasportla qayıtdığı Yaponiyada 2000-ci ilin noyabrında həbs olundu. Bir il sonra həbsxanadan YQO-nu buraxdığını elan etdi. İki gün əvvəl isə cəzasını çəkərək azadlığa çıxdı. Çıxarkən onun üzündən zərər çəkən günahsız insanlardan üzr istədi.

Yadigar Sadıqlı

image-ads_728x90

  • whatsapp
  • messenger
  • telegram
  • vkontakte
  • odnoklassniki