Jurnalist vəsiqəsi alan diversantlar Ukraynaya Avropadan girirlər
Ukrayna Milli Təhlükəsizlik və Müdafiə Şurası yanında Dezinformasiyaya Qarşı Mübarizə Mərkəzi bildirib ki, Rusiya təxribat qrupları Avropadan “boşluq” tapıb və “Ruptly” video agentliyinin jurnalist vəsiqələri ilə Ukraynaya gəlirlər.
Alp.Az xəbər verir ki, bu barədə qurumun Telegram kanalında məlumat verilib.
“İşğalçılar bu dəfə Avropadan boşluq tapıblar. Onlar bizə “Ruptly” video agentliyinin vəsiqələri ilə gəlirlər və bu, “Russia Today” agentliyinin törəməsidir”, – hesabatda deyilir.
Qeyd olunur ki, Rusiyanın bu videoxəbər agentliyinin Berlində ofisi var.
Milli Təhlükəsizlik və Müdafiə Şurası bildirib ki, diversantlarda “Redfish Channel” və ya “Maffick Agency” adından verilən vəsiqələr də ola bilər.
Mərkəz vətəndaşları ayıq-sayıq olmağa və düşmən diversiya qrupları haqqında məlumatı Ukrayna Təhlükəsizlik Xidmətinin çat botuna ötürməyə çağırıb.
Bundan əvvəl Ukrayna kəşfiyyatı Rusiya prezidenti Vladimir Putinin Ukraynanı günahlandırmaq üçün Çernobıl AES-də terror aktı hazırladığı barədə xəbərdarlıq etmişdi.
Xatırladaq ki, rus qoşunları fevralın 24-də səhər tezdən Ukraynaya soxulub. Müharibənin əvvəlində düşmən hərbi obyektləri bombaladı, sonra isə dinc yaşayış məntəqələrinə, xüsusən Kiyev, Xarkov, Çerniqov, Xerson və Mariupol ərazilərinə hücum edib.
Rəsmi məlumatlara görə, təkcə Mariupolda martın 14-nə olan məlumata görə, qurbanların sayı 2300 nəfəri keçib.
“Russia Today” media agentliyinin rəhbəri Rusiya hakimiyyətinə yaxınlığı ilə tanınan erməni əsili jurnalist Marqarita Simonyandır.
Rüfət
Alp.Az
