Özbəkistan xaricə qaz satışını dayandırmağı planlayır və onun ölkə daxilində emalına başlamaq istəyir.
Bu barədə Cizak vilayətində seçicilərlə görüşünün gedişində Prezident Şavkat Mirziyoyev bəyan edib.
«Əvvəllər biz, qaz satırdıq, indi almağa hazırıq. Bizim sənaye üçün qaz lazımdır. Kaşqadarda artıq GTL zavodu hazırdır, amma biz, açılış üçün tələsmirik. Belə zavod dünyada beş dənədir. Qazdan benzin almaq mümkündür və bu zaman əlavə dəyər yaranır. Qaz – gələcək nəsillər üçün sərvətdir. Onu müxtəlif sazişlərlə satmaq lazım deyil» – o, deyib.
Onun sözlərinə görə, əvvəllər pambıqla da oxşar situasiya yaranmışdı. «Biz, pambıqla nə qədər əzab çəkdik, heç nəyə nail olmadıq. Üç gün əvvəl biz, milyon ton pambıq yığdıq və planı yerinə yetirdik, amma bunu televiziya ilə göstərmədik. Əgər kiməsə pambıq lazımdırsa, qoy onu öz maraqları daxilində becərsin» – Mirziyoyev deyib.
Hazırda Özbəkistan Çinə və Rusiyaya qaz tədarük edir. Həm də kiçik tədarüklər qonşu ölkələrə – Tacikistana, Qazaxıstana və Qırğızıstana həyata keçirilir.
Şurtansk qaz-kimya komleksində sintetik maye yanacaq zavodunun istismara buraxılması ilə Özbəkistana aviakerosin idxalı əhəmiyyətli dərəcədə azalacaq. Zavod ildə 3,6 milyard kubmetr təbii qaz emal edəcək və 1,5 milyon ton yüksək keyfiyyətli sintetik maye yanacaq istehsal edəcək, o cümlədən, 307 min tondan çox kerosin, 724 min ton dizel yanacağı, 437 min ton neft və 3 min ton sıxılmış qaz hasib edəcək.
Layihənin ümumi dəyəri 3, 61 milyard dollardan artıqdır. Zavod bölgədə ən investisiyalı istehsal müəssisəsi olacaq, təbbi qazın dərin emalı gücünü genişləndirmək imkanına malikdir, karbohidrogen xammalının idxalını azaldacaq, ölkəni yüksək keyfiyyətli ekoloji təmiz yanacaqla və həm də bazarı yerli xammaldın istehsal olunmuş strateji məhsullarla təmin edəcək.AzPolitika.info
