Xankəndində mitinq keçirmək istəyən radikal ermənilər etimadsızlıqla üzləşiblər. Alp.az erməni mediasına istinadən xəbər verir ki, mitinq cağrışlarına baxmayaraq insanlar küçələrə çıxmır. Söhbət ondan gedir ki, bu mitinqin təşkilatçısı qondarma rejimin rəhbəri Araik Aruthunyan və daşnaklardır. Erməni bloger Samvel Akopyan erməni mediasına açıqlamasında bildirib ki, bu mitinqlərin təşkili danışıqlar prinsipinə ziddir.
“Xankəndində insanları təhdidlə mitinqlərə çıxartmaq istəyirlər. Bu alınmayanda isə insanları müxtəlif vasitələrlə aldadaraq mitinqə çıxardırlar. İnsanlar müharibədən, sosial problemlərdən beziblər. Artıq Qarabağ erməniləri sülh içərisində yaşamağı istəyirlər. Amma radikal ermənilər buna imkan verəcəkmi?. Mayın 28-də Xankəndidə etiraz aksiyası keçirilməsinə cəhd olunub. Hətta həmin gün şəhərin mərkəzi meydanında xeyli adam toplaşıb. Müxalifət qüvvələri elə zənn ediblər ki, meydana gələn ermənilər Qarabağın Azərbaycanın tərkibində olmasına etiraz üçün toplaşıblar. Lakin sonradan məlum olub ki, onlar heç də aksiyaya qoşulmaq üçün deyil, həmin gün məhz mərkəzi meydanda təşkil olunmuş konsert proqramına baxmaq üçün toplaşıblar. Yəni insanlar Azərbaycanın təklif etdiyi daha yaxşı həyat meyarları çərcivəsində yaşamağa hazırdır. Amma bunu nəzərə alan kimdir.”- deyə Akopyan bildirib.
