“15 iyulda xainlərə imkan verməyən nəcib millətimizi hörmətlə salamlayır, şəhidlərimizi rəhmətlə yad edirik”.
Alp.az yerli KİV-lərinə istinadən xəbər verir ki, bu barədə Türkiyənin Milli Müdafiə Nazirliyi tvitter səhifəsində paylaşım edib.
“Türkiyənin yenilməz olduğunu deyən qəhrəman qazilərimizə sağlam və xoşbəxtlik dolu uzun ömür diləyirik”, – paylaşımda qeyd olunub.
Xatırladaq ki, beş il əvvəl – iyulun 15-dən 16-na keçən gecə FETÖ terror təşkilatı Türkiyədə legitim hakimiyyəti hərbi yolla ələ keçirməyə cəhd göstərib. Lakin türk xalqı öz lideri Rəcəb Tayyib Ərdoğanın ətrafında sıx birləşərək dövlət çevrilişi cəhdinin qarşısını alıb. Həmin gündən Türkiyədə 15 İyul – Demokratiya və Milli Birlik Günü kimi qeyd olunur. FETÖ-nun hərbi çevriliş cəhdi nəticəsində 251 nəfər şəhid olub, 2196 nəfər isə yaralanıb.
