Ukrayna prezidenti Vladimir Zelenski əmindir ki, Avropa İttifaqı Rusiyaya qarşı yeni və yeni sanksiyalar tətbiq etməyə davam edəcək.
O, bu barədə Prezident Aparatının Telegram kanalında yerləşdirilmiş videomüraciətində bildirib.
“Avropa İttifaqı Rusiyaya qarşı dördüncü sanksiyalar paketini təsdiqləyib. Dördüncü. Əminəm ki, sonuncu deyil. Biz tərəfdaşlarla Rusiya dövlətinə qarşı tətbiq olunacaq yeni məhdudiyyətlər üzərində işləyirik. Müharibə üçün məsuliyyət daşıyan hər kəs , demokratiyanın məhvinə görə məsuliyyət daşıyan hər kəs, insanlara qarşı repressiyalara görə cavabdeh olan hər kəs cavabını alacaq. Dünyanın cavabını. Bu isə hələ başlanğıcdır”, – deyə Zelenski vurğulayıb.
Xatırladaq ki, martın 14-də Aİ-yə üzv dövlətlərin Daimi Nümayəndələr Komitəsi Rusiya Federasiyasına qarşı dördüncü sanksiyalar paketi ilə bağlı razılığa gəlib.
Rüfət
