image-ads_2000x150
image-381378_crop_0backend

Vəziyyət yenə gərginləşir, Rusiya ağır texnika ilə yüklənmiş böyük gəmi göndərir :ÇAVUŞOĞLUNUN XƏBƏRDARLIĞI…

image-ads_728x90

Türkiyənin xarici işlər naziri Mövlut Çavuşoğlunun Suriyanın şimalında türk əsgərlərinə PKK/YPG yaraqlıları tərəfindən son günlər artan hücumlara görə Rusiyanı və ABŞ-ı ittiham etməsinin ardınca Rusiya donanmasının Suriyaya ağır hərbi texnika daşıyan iri desant gəmisi Bosfor boğazından keçib. Alp.az xəbər verir ki, sosial şəbəkələrdə Bosfor boğazından keçən və ağır yük daşıdığı görünən “Orsk” desant gəmisinin fotoları yayılıb.

Xatırladaq ki, Çavuşoğlu bu hücumların dayandırılmayacağı halda Türkiyənin öz başının çarəsinə baxacağı haqda xəbərdarlıq etmişdi.

“Orsk” böyük desant gəmisi 20-yə qədər əsas döyüş tankı və ya 45 BTR, yaxud 50-dən çox yük avtomobili daşıya bilir. Gəminin göyərtəsində sursat olduğu da güman edilir.

Ehtimal edilir ki, Rusiya Türkiyənin Suriyanın şimalında yeni hərbi əməliyyatlara başlaya biləcəyini nəzərə alaraq Əsəd ordusuna yeni silah-texnika göndərir. Bundan əvvəl prezident Ərdoğan bəyan etmişdi ki, artıq Türkiyənin səbri daşmaq üzrədir. Xəbərlərə görə, Türkiyə ordusu da son günlər Suriyanın şimalına ağır texnika və artilleriya sistemləri, o cümlədən canlı qüvvə , beton bloklar göndərir.

Ərdoğanla Rusiya prezidenti Putin arasında sentyabrın 29-da Soçidə keçirilmiş danışıqlarda tərəflər Suriyanın şimalında atəşkəsin qorunmasının vacibliyi haqda razılığa gəlmişdilər. Lakin bəzi ekspertlərə görə, bu uzunmüddətli anlaşma deyil və Suriyanın şimalının Əsəd rejiminin nəzarətinə qaytarılması üçün Rusiya öz fəaliyyətini davam etdirəcək. virtualaz.org

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki