“Fevral-mart aylarında İrpenin (Kiyevdə yaşayış məntəqəsi) ərazi müdafiəsində döyüşdüm. Evim və İrpen dağıdıldığı üçün mən indi Lvovdayam”.
Bunu açıqlamasında Ukrayna Prezidentləri yanında Milli Dövlət İdarəçilik Akademiyasının professoru, siyasi ekspert Volodimir Martinyuk deyib.
O bildirib ki, Rusiyanın Ukrayna ilə müharibəyə başlamaq üçün uydurduğu bəhanələrin heç biri özünü doğrultmadı:
“Rusiyanın uzunmüddətli müharibə üçün potensial kifayət qədərdir və bu müddət daha çox uzansa, döyüşdə itirdiklərini bərpa etməyə qadirdirlər. Eyni zamanda Rusiya ictimai rəyi manipulyasiya etmək və müxtəlif isteriyalar yeritmək qabiliyyətinə malikdir. Onlar bu qədər sanksiyalara rəğmən müharibənin davamında belə bəzi silahlar hazırlamağa qadirdirlər. Doğrudur, Qərb komponentlərinə çıxışı ilə əvvəlki qədər yaxşı deyil, lakin bu Rusiyanı daha da müqavimət göstərməyə vadar edir.
Bildiyiniz kimi Ukrayna “Avroviziya 2022” mahnı müsabiqəsinin qalibi seçildi. Bu o deməkdir ki, müsabiqə gələn ilin mayında Ukraynada keçirilməlidir. Amma Ukraynada təhlükəsiz “Avroviziya” yalnız Rusiya ilə problem tam həll olunduğu halda baş tuta bilər – yəni onun Ukraynadan qovulması və müharibəyə son qoyulması üçün müvafiq sazişin imzalanması zəruridir.
Rusiyanın Ukrayna ilə müharibəyə başlamaq üçün uydurduğu bəhanələrin heç biri özünü doğrultmadı, təsdiqini tapmadı. İndi onların apardığı bu müharibənin heç bir məntiq yoxdur və bu savaşın necə nəticələnəcəyi, nə zaman yekunlaşacağı ilə bağlı nəyisə proqnozlaşdırmaq çox çətindir. Yeri gəlmişkən, indi Rusiyada “ictimai rəy” vəziyyəti daha çox isteriyaya bənzəyir, Hitler dövründə almanların şüurunda baş verənlərin tamamilə təkrarlandığını görə bilərik.
Hər halda, Rusiya dövləti indi Ukraynaya qarşı müharibələrini və hətta Ukraynada hərbi cinayətlər törətməkdə açıq-aşkar niyyətlərini Nürnberq məhkəməsindəki Almaniya liderləri ilə eyni şəkildə izah edirlər: “Biz bunu istəmirdik, amma başqa seçimimiz yox idi. Çünki əks təqdirdə onlar bizə hücum edərdilər”.
Bu özünə haqq qazandırmaq düsturu indi əksər rusların ağlında və dilindədir. Çünki telekanalları ancaq bu fikri təbliğ edirlər”.Milli.Az
