Avqustun 17-dən Türkiyənin İstanbul şəhərində keçirilən “IDEF – 2021” Beynəlxalq Müdafiə Sərgisində dünyanın bir çox ölkəsi iştirak edir. İştirakçı ölkələr yeni istehsal olunan silahlarını təqdim edir.
Alp.az xəbər verir ki, bu sərgidə dünyanın bir çox ölkəsinə silah satan Özyurt Silah Sənayesinin əməkdaşları da iştirak edib. NATO ölkələri olmaqla bir çox ölkəyə silah və sursat satan Özyurt Silah Sənayesinin Başçısı Serdar Özyurt, mətbuata açıqlamasında maraqlı detalları açıqlayıb. Serdar Özyurt sərgidə nümayiş etdirilən məhsulların yerli məhsul olduğunu bildirib.
Serdar Özyurt bu sərgidə də məhsullarına böyük marağın oldğunu dilə gətirib:” IDEF-21 –də bir neçə yeni silahımızı təqdim etmişik. Artıq 3 ölkədən elə sərgi zamanı sifariş almışıq. Uzaq məsafələr üçün nəzərdə tutulan Snayper tüfəngi BMZ 338, YİĞİT21, Rebel 21 kimi yeni istehsalımız olan silahlarımız da sərgidə nümayiş olunur. Azərbaycan, Amerika və Afrika ölkələrindən sifariş aldıq, sərgi bitdikdən sonra müqavilə bağlayacağıq. Silahları Türkiyənin və sonra müttəfiq ölkələrin ehtiyaclarını nəzərə alaraq istehsal edirik. Bundan öncə də Amerika, Azərbaycan, Asiya və Afrika ölkələrinə güllə tədarük edirdik. 1 ildə 4 silah istehsal etdik. Silahlarımızla sərgidə iştirak etməkdən qürur duyuruq “- deyə Özyurt bildirib.
