Türkiyənin bölgədə yeni antiterror əməliyyat hazırlıqları davam etdiyi vaxtda Suriyanın şimalında müxalif qruplar arasında fikir ayrılıqları səbəbindən baş verən şiddətli toqquşmalar Ankaranın vasitəçiliyi ilə baş tutan atəşkəslə sona çatıb.
Bu barədə “Röyter” xəbər agentliyi məlumat yayıb.
Türkiyənin Suriya Milli Ordusuna bağlı “Fəlak əş-Şam”, “Levant Cəbhəsi”, “Ceyşül-İslam” və “Əhrar-u-Şam” təşkilatları arasında fikir ayrılıqlarına görə baş verən silahlı qarşıdurmanın sona çatması üçün vasitəçilik etdiyi bildirilib.
Tərəflərin geri çəkilməsi ilə nəticələnən atəşkəs razılaşması Türkiyənin mümkün Suriya əməliyyatından əvvəl imzalanıb.
Türkiyənin yeni antiterror əməliyyatlarının gündəmdə olduğu vaxtda müxalif qruplar arasındakı toqquşmalar narahatlıq yaradırdı.
