Türkiyə hakimiyyəti Rusiyaya turizmlə bağlı daha əvvəl Almaniyada istifadə etdiyi bir model təklif edib.
Alp.az xəbər verir ki, bu haqda məlumat “news.ru” saytında yer alıb.
Rəsmi Ankara düşünür ki, ölkələr arasında hava səyahəti bərpa olunanda ilk növbədə kurort şəhərlərinə uçuş tətbiq edilməlidir. Bu fikri mayın 24-də respublikanın mədəniyyət və turizm naziri Mehmet Nuri Ersoy jurnalistlərlə söhbətində səsləndirib.
Onun sözlərinə görə, əsasən turistlər Antalya, Bodrum, Dalaman və İzmirdə istirahətə gedir.
Bu kurortlarda gündəlik koronavirusa orta hesabla 50% daha az insan yoluxur. Bundan əlavə, oradakı bütün otellər hər şey daxil olmaqla fəaliyyət göstərir.
Nazir gələcəkdə hava trafikinin genişləndirilə biləcəyini söyləyib:
“Bu, Moskvanın tələbləri yerinə yetirilən kimi ediləcək. Almaniya və Türkiyə artıq bənzər bir sistemdən istifadə edib və son dərəcə uğurlu alınıb. Əlbəttə ki, hər şey Rusiya hakimiyyət orqanlarının sağlamlıq siyasəti və trafiklə bağlı verəcəkləri qərarından asılıdır”.
Ankara 19 apreldə koronavirus virusu səbəbiylə ölkədə tam bir kilidləmə tətbiq edib. Daxili İşlər Nazirliyinin bəzi istisnaları olmaqla, bütün təşkilatlar və qurumlar fəaliyyətlərini dayandırıblar.
Epidemioloji vəziyyətin pisləşməsi səbəbindən Rusiya Türkiyə ilə uçuşlarını ləğv edib.
Bundan əvvəl Rusiya ilə Türkiyə arasındakı uçuşlara qoyulan qadağanın iyunun 15-də qaldırıla biləcəyi məlum olmuşdu. Bu barədə Türkiyə rəsmilərinə istinadən Bloomberg məlumat yayıb. Lakin danışıqlar üçün Moskvaya gələn Türkiyənin nümayəndələri uçuşların iyunun 2-dən etibarən yenidən bərpa edilməsi barədə razılığa gələ bilməyiblər.bizim.media
