Türkiyədə turistləri daşıyan taxta konstruksiyalı bir neçə gəmi eyni anda yandırılıb.
Alp.az xəbər verir ki, hadisə avqustun 3-ü, Türkiyə vaxtilə saat 23:30 radələrində Alaniya şəhərinin Türklər kəndində baş verib.
Hadisə şahidləri Musavat.com-a gəmilərin qəsdən yandırıldığını bildirib. Hadisə yerində olan azərbaycanlı turistin bildirdiyinə görə, yanğınsöbdürənlər yanğına müdaxilə edə bilməyiblər və alov böyük miqyas alıb. Sui-qəsdçilərin yanğını törətmək üçün seçdikləri vaxtda isə kapitanlar gəmidə olmayıb. Taxta gəmilərdən sadəcə biri yanğından yayına bilib.
Xatırladaq ki, iyulun 28-dən başlayaraq Türkiyədə meşə yanğınları baş verirdi. Türkiyənin fərqli kurort bölgələrində baş verən bu meşə yanğınlarının terror aktı olduğuna dair iddialar var. Gəmi yanğınları da bu iddianı xeyli dərəcədə möhkəmləndirir və inandırıcı edir.
