image-ads_2000x150
image-7backend

Türkiyə İsveç və Finlandiyaya bu şərtləri qoydu – 10 TƏKLİF 

image-ads_728x90

Türkiyə NATO-ya üzv olmaq istəyən Finlandiya və İsveçə on şərtdən ibarət təkliflər paketi göndərəcəək.

Alp.az xəbər verir ki, bu barədə Türkiyənin “Sabah” qəzeti yazıb.

Qəzetin özəl mənbələrinə istinadən verdiyi məlumata görə, Türkiyənin bu iki ölkə ilə “müttəfiqlik” münasibətlərində olması üçün Ankaranın on şərti yerinə yetirilməlidir.

“Sabah” bildirir ki, Türkiyə İsveç və Finlandiyadan Ankaranın terrorçu hesab etdiyi təşkilatların üzvlərinin parlamentlərə qəbulunu dayandırmağı, həmçinin İŞİD terror qruplaşması ilə mübarizə adı altında kürd birləşmələrinə maliyyə dəstəyini dayandırmağı tələb edir.

Həmçinin Ankara NATO üzvlüyünə namizədlərdən PKK-nın Kürdüstan Fəhlə Partiyasının rəhbərliyi ilə təmasdan qaçmağı, Türkiyədə qadağan olunmuş islam təbliğatçısı Fətullah Gülənin təşkilatının üzvlərinin fəaliyyətini dayandırmağı tələb edəcək.

Türkiyə həmin ölkələrdə qadağan edilmiş təşkilatların axtarışda olan üzvlərinin ekstradisiyası prosedurunun sürətləndirilməsini, həmçinin “Türkiyənin təhlükəsizliyinə qarşı hər hansı hərəkətə” dəstəyi dayandırmağı tələb edəcək.

Qəzet yazır ki, Ankara İsveç və Finlandiyanı terrorizmlə mübarizədə Türkiyə ilə müntəzəm məsləhətləşmələri və sıx əməkdaşlığı dəstəkləyəcək mexanizm yaratmaq üçün birgə təşəbbüslə çıxış etməyə dəvət edir. Eyni zamanda Türkiyə Skandinaviya ölkələrində terror təşkilatlarının pul axınının kəsilməsini, onların bank hesablarının bağlanmasını tələb edəcək.

Xatırladaq ki, fevralın 24-də Rusiyanın Ukraynaya hücumundan sonra İsveç və Finlandiyanın NATO-ya üzvlüyü gündəmə gəlib və hər iki ölkə rəsmi olaraq NATO-ya müraciət edəcəklərini açıqlayıb. Ötən həftə ölkələr rəsmən NATO-ya müraciət ünvanlayıb. Lakin Türkiyə Prezidenti Rəcəb Tayyib Ərdoğan İsveç və Finlandiyanın NATO-ya üzvlüyünə müsbət yanaşmadığını bildirib.Modern.az

image-ads_728x90

  • whatsapp
  • messenger
  • telegram
  • vkontakte
  • odnoklassniki