Türkiyə “Akınçı”nın mühərrik ehtiyacını həll etmək üçün Ukraynanın “Motor Siç” və “İvçenko-Proqres” şirkətləri ilə müqavilə imzalayıb.
Alp.az-ın Ukroboronprom-a istinadən verdiyi məlumata görə, ilkin müqavilədə 30 mühərrikin alınmasına dair müqavilə imzalanıb.
Müqavilə oktyabrın 28-də Türkiyənin “Baykar Savunma” şirkəti ilə imzalanıb. Müqavilədə istehsalçı tərəf “Akınçı” üçün “Baykar Savunma” Aİ-450T avia turbomühərriklərlə təmin edəcək.
Razılaşmaya əsasən mühərrikin komponentləri ilə təchizat “Motor Siç”, istehsalat-yığım işini isə “İvçenko-Proqres” şirkəti həyata keçirəcək.
Qeyd edək ki, “Baykar Savunma” şirkətinin istehsalı olan “Bayraktar Akınçı” zərbə PUA-sı ilk uçuşunu 2019-cu ilin avqustunda həyata keçirib.
“Akınçı” 2021-ci ildə Türkiyə Silahlı Qüvvələrinin silahlanmasına daxil edilib. Yaxın illərdə seriyalı istehsalına başlanılacaq.
