İran futbolu sensasion qalmaqala şahidlik edir. Alp.Az xəbər verir ki, iki gün öncə “Traktor” futbol klubunun rəsmi səhifəsindən edilən paylaşıma görə fars hakimiyyəti geniş araşdırmaya başlayıb.
Xatırladaq ki, Təbriz klubunun rəsmi “Twitter” səhifəsində Əbdül Mahmudov və Həsənağa Turabovun 1985-ci ildə çəkdiyi “Qanlı zəmi” (“Atları yəhərləyin”) filmindən paylaşım edilib.
Paylaşımda Qaçaq Nəbinin İrandan olan dövlət nümayəndəsinə “Arazın o tayı da, bu tayı da mənim doğma el obamdır. Elin o başı, bu başı olmaz” sözləri vurğulanıb.
Bu paylaşımdan sonra Təbriz klubunun bazasına İran xüsusi xidmət orqanlarının əməkdaşları gələrək komputerləri müsadirə ediblər.
