“Ermənistanın baş naziri parlaq sülh haqda plan qurarkən, vəziyyət hər keçən gün daha da qorxunc hal alır. Rusiya imperiya olaraq daralmaqda davam edir, türklər isə əksinə öz əhatə dairəsini genişləndirir. Bu, qaçılmaz müharibəyə gətirib çıxaracaq. Çünki ruslar Zaqafqaziya və Orta Asiyanı təslim etsələr də, türklər dayanmayacaq”.
Alp.az xəbər verir ki, bu cür məlumatlar erməni telegram kanallarında paylaşılır. Sadə ermənilərdən tutmuş, ölkənin ən yüksək təbəqəsinə qədər hər kəs bir panika yaşayır: “Rusların dəvəquşu mövqeyi onun bölgədəki nüfuzuna təsir göstərir. Türkiyə isə özünü türk torpaqlarının toplayıcısı kimi təqdim edir. Türkmənistan prezidenti Berdiməhəmmədov deyib: “Türkiyənin Türkmənistana verdiyi dəstəyi heç vaxt unutmayacağıq. Müstəqilliyimizi ilk tanıyan ölkə Türkiyə olub. Biz gələcəyi birlikdə qururuq”. Paşinyan bu yaxınlarda “müqəddəs gəmimizi fırtınalı dənizin mərkəzindən xəyallarımızın limanına” köçürəcəyini bəyan etmişdi. Problem ondadır ki, dənizdə sunami var, onun dalğaları bu limanı parça-parça edəcək. Ermənistan baş nazirinin seçdiyi kurs dövrün ruhuna, tarixi meyllərə uyğun gəlmir. Bu səhv bizim üçün ölümcül olacaq” – telegram kanallarında paylaşılan məlumatda bildirilib.konkret.az
