İslam İnqilabı Keşikçiləri Korpusu- SEPAH-ın 5 əməkdaşı İranın Kürdüstan vilayətinin Bicar-Divəndərə avtomobil yolunda baş verən qəzada həyatını itirib.
Alp.az xəbər verir ki, qəza bazar günü, noyabrın 14-də səhər saat 09:00-da Bicar-Divəndərə yolunda, Bicarın Hesar Sefid kəndi yaxınlığında baş verib və hadisə zamanı avtomobildə olan 5 nəfər yerindəcə dünyasını dəyişib.
İranın Kürdüstan vilayətinin SEPAH-ın “Beytul- Müqəddəs” Korpusunun komandiri hadisə ilə bağlı başsağlığı verərək, onları sözügedən hərbi birləşmənin əməkdaşları olduqlarını bildirib.
General Seyid Sadiq Hüseyni başsağlığı müraciətində ölənlərin SEPAH-ın Aerokosmik Qüvvələrinin “Bane” şəhərində yerləşən bazasının işçiləri olduğunu qeyd edib.
