Vladimir Putin yaxın günlərdə Ukraynada total müharibəyə keçərək, Rusiyada səfərbərlik elan edə bilər.
Alp.az xəbər verir ki, bu barədə Britaniyanın “Teleqraf” nəşri məlumat yayıb. Məlumatı verən mənbənin fikrincə, müharibənin uzanması Rusiyanın daxilində gərginliklərin artmasına səbəb olub.
Qəzet yazır ki, bu vəziyyətdən narahat olan rus komandirlər Putindən hücumların artırılması üçün ölkədə səfərbərlik elan etməsini istəyəcək. “Bu isə yeni dünya müharibəsinin başlanmasına işarə ola bilər”- qəzet yazıb.
Britaniyanın müdafiə naziri Ben Uolles isə Putinin mayın 9-da keçiriləcək qələbə günü tədbirində səfərbərlik elan edəcəyini bildirib.
