image-ads_2000x150
image-bezymyannyj-43-600x337backend

Sərhədə cəmləşdirilmiş ordu: Baş qərargah rəisi müdaxilə üçün səbəbi açıqladı VƏ “BAYRAKTAR” QORXUSU…

image-ads_728x90

Rusiyanın Ukrayna sərhədləri boyu durmadan çoxsaylı canlı qüvvə və texnika, o cümlədən hücum silahları cəmləşdirdiyi bir vaxtda Baş qərargah rəisi Valeri Gerasimov hərbi müdaxilə üçün səbəbin nədən ibarət olacağını açıqlayıb. Alp.az xəbər verir ki, ötən gün xarici hərbi attaşelərlə görüşən ordu generalı Gerasimov deyib ki, Rusiya Kiyevin “Donbassda situasiyanın güc yolu ilə nizamlanmasına yönəlmiş istənilən təxribatının” qarşısını almağa hazırdır.

Bununla da Rusiya ordusunun Baş qərargah rəisi Ukraynaya hücum üçün bəhanə qismində məhz “Kiyevin Donbassda təxribata əl atmasını” əsas götürəcəyi barədə qənaətləri təsdiqləmiş olub. Hansı ki, elə dünən prezident Vladimir Putin Donbassda “rusdilli əhaliyə qarşı genosid həyata keçirildiyi” haqda danışmışdı.

Gerasimovun sözlərinə görə, son zamanlar Ukraynanın şərqində situasiya Kiyevin müttəfiqlərindən yeni silahlar alması fonunda getdikcə kəskinləşir. O, xüsusən tank əleyhinə ABŞ idarəolunan raketləri “Javelin”ləri və Türkiyənin “Bayraktar TB2” döyüş pilotsuz təyyarələrini misal gətirib.

“Ukraynaya vertolyotların, pilotsuz uçan aparatların və təyyarələrin təchizatı bu ölkənin hakimiyyətini kəskin və təhlükəli addımlara sövq edir. Amma Ukrayna hakimiyyətinin Donbass probleminin güc yolu ilə nizamlanmasına dair istənilən təxribatının qarşısı alınacaq”,-Baş qərargah rəisi bildirib. Bununla belə, Gerasimov qeyd edib ki, Rusiyanın Ukraynaya hücuma hazırlaşdığı barədə informasiyalar həqiqətə uyğun deyil.

Xatırladaq ki, ABŞ kəşfiyyatı Rusiya ordusunun 175 minlik qüvvə ilə yanvarın sonlarında, fevralın əvvəllərində Ukraynaya hücum planlaşdırdığı barədə xəbərdarlıq edib. Birləşmiş Ştatlar Rusiyanı bu hərbi müdaxilədən çəkindirmək üçün sərt iqtisadi sanksiyalar hazırlayır, amma Vaşinqton mesaj verir ki, Rusiya ilə birbaşa hərbi münaqişəyə girməyəcək.virtualaz.org

 

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki