“O, erməniyönümlü sənədi imzalamaq istəmir? Bəs İlham Əliyev onu bu sənədi imzalamağa məcbur etmirdi?”.
Bunu iyunun 10-da təbliğat kampaniyası çərçivəsində görüşlərdən biri zamanı Ermənistanın üçüncü prezidenti Serj Sarkisyan deyib.
“Bəs niyə imzalamadı? Hökumət iclası zamanı öyündü ki, bu, erməniyönümlü sənəddir. O, erməniyönümlü sənədi imzalamaq istəmir? Bəs İlham Əliyev onu bu sənədi imzalamağa məcbur etmirdi? Qoy o desin ki, İlham Əliyevə nə söz verib ki, İlham Əliyev fikrini dəyişib. Erməniyönümlü sənədi imzalamamaq üçün adam axmaq olmalıdır. Deməli imzalamayıbsa, yeni sürprizlər gözləməliyik”, – deyə Sarkisyan qeyd edib.
Sarkisyan deyib ki, söhbət ordudan gedəndə sakit şəkildə danışmaqda çətinlik çəkir.
“Xahiş edirəm, əsgərimizin hansı vəziyyətdə olduğunu deyin, məgər bu, əsgər yaşayası yerdir, əsgər yatası yerdir?”, – deyə Ermənistanın sabiq prezidenti bildirib.
