image-ads_2000x150
image-ibrahimli-adilbackend

“Sən qardaşın üçün ağlama, sən ona görə ağla ki, mən sağam ” – Şəhid Xüsusi Təyinatlımızın həyat yoldaşına son sözü

image-ads_728x90

44 günlük Vətən müharibəsində öz qəhrəmanlığı ilə dastan yazan oğullarımızdan biri də Xüsusi Təyinatlı Qüvvələrimizin baş leytenantı Adil İbrahimlidir. Adil kiçik yaşlarından zabit olmaq üçün çalışıb. Atası Asəm İbrahimli I Qarabağ Müharibəsinə yollananda Adil cəmi 10 günlük körpə idi. Şəhid zabitimiz atasının müharibədəki qəhrəmanlığından ilhamlanaraq hərb sənətini seçir.

Adil Asəm oğlu İbrahimli 9 sentyabr 1992-ci ildə Sumqayıtda anadan olub. 1999-2008-ci illərdə Sumqayıt şəhəri 14 nömrəli tam orta məktəbdə 9-cu sinfi bitirib. 2008-ci ildə isə təhsilini davam etdirmək üçün Cəmşid Naxçıvanski adına Hərbi Liseyə qəbul olub. 2011-ci ildə həmin liseyi bitirdikdən sonra Heydər Əliyev adına Azərbaycan Ali Hərbi Məktəbinə daxil olub. O, 2015-ci ildə hərbi məktəbi bitirərək leytenant rütbəsini alır. Sonra Təlim Tədris Mərkəzində zabit kimi təkmilləşdirmə kursu keçərək Azərbaycan Ordusunda xidmətə başlayıb. 2017-ci ildə XTQ-ə qəbul olan Adil orada fəaliyyət göstərdiyi zamanda Türkiyədə “Komando” kursunu fərqlənmə ilə bitirir. Adil Xüsusi Təyinatlı Qüvvələrimizin tərkibində bir çox ağır əməliyyatların iştirakçısı olur. 2018-ci ildə Xüsusi Təyinatlı Qüvvələrimizin keçirtdiyi əməliyyat zamanı Adil xüsusi qəhrəmanlıq göstərir.

Xüsusi Təyinatlı Qüvvələrimizin qrup komandiri və baş kəşfiyyatçı olan Adil İbrahimli döyüşün ilk günlərindən başlayaraq əsgərləri ilə bir çox ərazilərin işğaldan azad edilməsində iştirak edir. Döyüş yoldaşları onun cəsarətindən, müharibənin ən qızğın döyüşlərindəki şücaətindən, necə son damla qanınadək vuruşmasından danışır. O, Murovdağ uğrunda gedən döyüşlərdə, Suqovuşan, Füzuli, Hadrut, Xocavənd, Şuşa döyüşlərində iştirak edib. 40 gün vuruşub. Son tapşırığı Şuşada olur Adil İbrahimlinin… Adil İbrahimli qrupu ilə birlikdə düşmənin içərisinə sızaraq erməni ordusunun komanda qərargah mərkəzini partladır. Bu qeyri bərabər döyüşdə ağır yaralansa da son anına qədər savaşır. Adil İbrahimli noyabrın 7-də Şuşa şəhərində şəhid olur.

Öz həyat yoldaşının nəşini ciynində daşıyan həyat yoldaşı Nargül xanım deyir ki, qardaşı Elton Qənbərli şəhid olduğu üçün telefonda ağlayırmış. Həyat yoldaşı Adil ona deyib ki, “Elton Şəhid olduğu üçün ağlama, o, ən uca məqamdadır. Sən ona görə ağla ki, mən sağam. ”. Nargül xanım ona söz verir. Və son məqamda Adili çiyinlərində daşıyanda belə göz yaşı axıtmayıb, məğrur şəkildə dik dayanır…

image-bez-nazvaniya-1

Şəhid zabitimiz noyabrın 20-də Bakıda II Şəhidlər Xiyabanında torpağa tapşırılıb. Adil İbrahimli ölümündən sonra Cənab Prezident İlham Əliyevin 9 dekabr tarixli sərəncamına əsasən, “Vətən Müharibəsi Qəhrəmanı” adına və “Vətən Uğrunda” medalına layiq görülüb.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki