2020-ci ildə müzəffər Azərbaycan ordusu tərəfindən tarixi torpaqlarımız erməni işğalından azad edildi. Bu şəhərlər içərisində qədim Şuşanın özünəməxsus yeri var idi. Məhz Azərbaycan əsgəri son damla qanına qədər Şuşa üçün savaşırdı. Şuşa azad edildi. Amma keçən iki il ərzində görünən odur ki, bəzi işbazlar üçün Şuşa qazanc və yaxud dələduzluq yolu ilə qazanc mənbəyinə çevrilib. Maraqlıdır ki, bu dəfə ölkənin tanınmış alimləri dələduzların qurbanına çevrilib. Belə ki, ölkənin 370 alimindən dələduzlar Şuşada beynəlxalq konfrans adı ilə pul yığıblar. İndi məlum olur ki, səfərin təşkilatçıları yoxa çıbıb. Tarixçi alim Arif Gürşadoğlu alimlərin kim tərəfindən tora salındığını sosial şəbəkə hesabından paylaşıb.
“Şuşa adı ilə çox dələduzluq edən görmüşdüm. Ancaq beləsi hələ olmamışdı…
Şəkildəki şəxs Elvan Cafarov İKSAD AZERBAYCAN GENEL KORDİNATÖRÜ Şuşada konfrans keçiriləcəyi vədi ilə qeydiyyatdan keçmiş 470 nəfər alimi Şuşa adıyla aldadıb. Konfransa qatılanların az olduğunu bilərək belə bir çirkin oyun qurulub. Bəlkə də Əlvan Cəfərovluq deyil, ancaq istənilən halda bir çirkin oyun qurulub…
Sabah yola çıxacağımız ərəfədə bəlli olub ki, cəmi 100 nəfər seçilmiş alimlər bu gün gediblər…
Kim seçib, necə seçib bu başqa sualdır. Və bu sualların da cavabı aydınlaşacaq…
Gedənlərin içində bir ailədən 4 nəfər və alim olmayanlar da gedib…
İndi də yazıb ki, heç kim ödənişini geri istəməsin!
Xeyirdimi???
Hər adamdan 70 manat almaq və onu qaytarmamaq bu qədər asandırmı???
370 nəfərdən 70 manat alanda 25.900 manat edir…”
Yəqin ki, hüquq mühafizə orqanların alimlərin aldadılması məsələsini araşdıracaq və günahkarlar layiqli cəzalarını alacaqlar.
P.S Qarşı tərəflə əlaqə saxlamaq cəhdlərimiz alınmadı. Qarşı tərəfin mövqeyini dərc etməyə hazırıq.
