Ukrayna Daxili İşlər Nazirliyi rus ordusunun yenidən Kiyev və Odessaya hücuma cəhd edə biləcəyini düşünür, amma əsas döyüşlər Donbasda baş verəcək.
Alp.az xəbər verir ki, bunu Ukrayna daxili işlər nazirinin müşaviri Vadim Denisenko deyib.
“Biz paytaxt və Kiyev istiqamətində olan Rusiya qoşunlarının Belarusda qruplaşdırılmasından danışsaq, bunun paytaxta hücumlarının növbəti mərhələsi olacağını istisna etmək olmaz”, – Denisenko bildirib.
Müşavir daha sonra əlavə edib ki, Odessa işğalçıların növbəti hədəfinə çevrilə bilər. Yəqin ki, bu, riskləri əvvəllər dəfələrlə qeyd olunan dəniz desantlarının enişinə aiddir.
Bununla belə, düşmənin əsas vəzifəsi Donbas, Luqansk və Donetsk vilayətlərinə hücum etməkdir. Ruslar Popasnaya və Rubejnoyeni tutmağa çalışırlar, ikinci prioritet isə Mariupol olaraq qalır. Slavyansk – Kramatorsk istiqamətində hücumu davam etdirmək üçün onu işğal etməyə çalışırlar.
Denisenko ayrıca Ukraynada fəaliyyət göstərən Rusiya ordusunun rəhbərliyinin dəyişdiyini qeyd edib. Yeni komandir, general Aleksandr Dvornikov təyin edilib. O, müdaxiləçi orduda ı koordinasiyanı daha yaxş təmin etməlidir.
