image-ads_2000x150
image-16323195783942947087_1200x630backend

Rusiyaya məxsus HHM və REM-lərin “Bayraktar-TB2” qarşısında acizliyi: Rusiyalı ekspert niyə yalan danışır?

image-ads_728x90

Ədalət Verdiyev, hərbi ekspert

Moderator.az

İ.Konovalov “Bayraktar-TB2”-nin döyüşlərdə uğurla tətbiq etməsi nəticəsində Rusiya və Donbasdakı narahatlığı aradan qaldırmağa çalışır

Rusiyalı hərbi ekspert İvan Konovalovun “Rossiya 1” telekanalında yayımlanan “60 dəqiqə” verilişində 15 ədəd “Bayraktar” PUA-larının Qarabağda yerə endirilərək zərərsizləşdirilməsinə dair verdiyi müsahibə tamamilə absurddur. Hər bir müharibədə ən bahalı aviasiya sistemləri, hətta son nəsil qırıcılar belə HHM REM sistemlərinin əks təsirinə məruz qala bilər.

Vətən müharibəsində Azərbaycan Hərbi Hava Qüvvələrinin pilotsuz eskadrilyası Ermənistanın, o cümlədən KTMT-nin HHM sistemini yararaq, hər gün düşmənin anbarlarını, zirehli və zirehsiz vasitələrini, HHM komplekslərini və onlarını əsas elementlərini, artilleriya qurğularını, yük maşınlarını, canlı qüvvəsini vasitələrini məhv edərək Ordumuzun orta hesabla gündə 150 kv.km irəlləməsinə şərait yaradıblar.
Əgər Ermənistan 15 ədəd “Bayraktar-TB2” PUA-sını yerə endirərək zərərsizləşdiribsə, niyə sosial şəbəkədə buna aid görüntülərə rast gəlinmir? PUA-nın HHM sistemləri ilə məhv edilməsi, PUA-nın idarəedilməsinin itirilməsi və onun yerə endirilərək zərərsizləşdirilməsi fərqli anlayışlardır.

İ. Konovalovun nəzərinə çatdırmalıyam ki, onun səsləndiyi rəqəmin real “Bayraktar-Tb2” itkilərinin sayı ilə yaxından-uzaqdan əlaqəsi yoxdur. İ.Konovalov sadəcə Ukraynanın “Bayraktar-TB2” əldə etməsindən qısa müddət sonra döyüşlərdə uğurla tətbiq etməsi nəticəsində Rusiya və Donbass ictimaiyyətində yaranan daxili narahatlığı aradan qaldırmaq üçün reallığa uyğun olmayan fikirlər səsləndirib. Müharibə zamanı cüzi miqdarda “Bayraktar-TB2” PUA-sının düşmən tərəfindən vurulması faktlarına rast gəlinib, onların arasında operator səhvi də mümkündür, lakin heç bir halda bu faktların pilotsuz vasitənin yerə endirilmə ilə əlaqəsi yoxdur. 15 rəqəmi isə fantastikaya aiddir.

Müharibədə Ermənistan yalnız Rusiyaya məxsus HHM və REM vasitələrindən istifadə edib, amma bu işğalçını məğlubiyyətdən xilas edə bilməyib. Eyni ssenari Suriyadakı Əsəd rejiminin başına gəlib. Hər iki Müharibənin taleyində Qələbəni təmin edən əsas silah sitemləri siyahısına “Bayraktar-TB2” başçılıq etdiyini dünyanın əksər hərbi araşdırma mərkəzləri qəbul edib. Buna görə də Ukrayna Donbassda münaqişəni öz xeyrinə həll etmək üçün məhz bu PUA-ları almağa üstünlük verib. Ermənistan və Rusiya ilə eyni blokda təmsil olunan Qırğızıstan da “Bayraktar-TB2” üçün müqavilə imzalayıb. İ.Konovalovun sadaladığım faktlardan və Müharibənin Ermənistana bəxş etdiyi ağır nəticələrindən xəbəri olmaya bilməz. Sadəcə Rusiyanın siyasi arenada zəifləməsi, nüfuzdan düşən rus silahlarına marağın azalması, Azərbaycandan sonra Ukraynanın, Gürcüstanın və Orta Asiyanın Türkiyə ilə daha da yaxınlaşması, İ. Konovalovu belə absurd rəqəmlər səsləndirməyə və real faktları görməzdən gəlməyə məcbur edir.

Sonda İ.Konovalova sonda 4 sualım var:

1. 15 ədəd “Bayraktar-TB2” PUA-larını zərərsizləşdirilməsini təsdiqləyən görüntüləri niyə təqdim etmirsiniz?

2. Müharibənin taleyində mühüm rol oynayan 15 ədəd PUA-nın zərərsizləşdirilməsi niyə Ermənistanı məğlubiyyətdən xilas etmədi?

3. 15 ədəd PUA-nı Ermənistan hansı silahla yerə endirdi?

4. Niyə heç bir Rusiya müttəfiqi, o cümlədən KTMT üzvləri olan ölkələr Moskvadan daha ucuz və əlçatan PUA əleyhinə silahları almağa tələsmir?

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki