Rusiya mətbuatı “cəllad” ləqəbli Vladimir Andonovun Ukraynada öldürüldüyünü yazıb.
Alp.az bildirir ki, bölgəyə nəzarət uğrunda qanlı döyüşlərin şahidi olan müharibədə rus sıralarında iştirak edən “cəllad” ləqəbli əsgərin taleyinə aydınlıq gəlib.
Rusiya mətbuatı 44 yaşlı muzdlu Vladimir Andonovun Ukraynadakı münaqişədə həlak olduğunu yazıb.
Britaniyanın “Daily Mail” qəzetində yer alan xəbərə görə, “Vaqner Qrupu” muzdlu qruplaşmasının üzvü Andonov iyunun 5-də Xarkov şəhəri yaxınlığında snayperlə vurulub.
Andonov 2014-cü ildə Rusiyanın Ukraynaya ilkin müdaxiləsində, ardınca Liviya və Suriyada döyüşüb.
Andonov 2014-cü ildə Donbasda hərbi əsirlərin qətliamında iştirak etməkdə ittiham olunurdu və ona görə də ukraynalılar onu “cəllad” adlandırırdılar.
