“Rusiya Ukraynanı günahlandırmaq üçün iki variant nüvə şantajı hazırlayır”. Bu barədə Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov deyib.
O qeyd edib ki, Kiyevin məlumatına görə, Rusiya şantajın iki variantını hazırlayıb.
“Hansı variantı seçəcəklər – tamamilə onlardan asılıdır. Birinci variant ondan ibarətdir ki, radioaktiv meşələri geniş miqyasda yandıracaqlar, bunun nəticəsində isə radioaktiv bulud dərhal qalxacaq və küləyin əsdiyi istiqamətə gedəcək. İkinci variant isə – nüvə anbarına artilleriya zərbələri endirmək. Nəticə eyni olacaq.
Hər iki variantla Rusiya rəhbərliyi Ukraynanı günahlandırmaq məqsədi güdür”, – Budanov bildirib.
