Beynəlxalq audit və konsaltinq şirkəti “FinExpertiza” Rusiyanın Ukraynadakı hərəkətlərinə görə Rusiyaya qarşı sanksiyalar tətbiq edən ölkələrlə ticarət əlaqələrindən asılılığını hesablayıb. Alp.Az Lenta.Ru-ya istinadla bildirir ki, bu araşdırmaya görə, “dost olmayan” ölkələrin üstünlüyü həm ixracatda, həm də idxalatda hiss olunur.
Hesablamalara görə, “dost olmayan ölkələr” siyahısına daxil olan dövlətlərlə ümumi ticarət dövriyyəsi təqribən 425,8 milyard dollar və ya Rusiyanın ümumi ticarət dövriyyəsinin təxminən 54,2%-ni təşkil edir. 2021-ci ildə əsas ticarət tərəfdaşı Avropa İttifaqı olub – onun ümumi ticarət dövriyyəsinin 36%-i və ya 292 milyard dollar təşkil edib, Almaniya Aİ ölkələri arasında liderdir (7,3 faiz və ya 57,34 milyard dollar).
Ticarət məhdudiyyətlərinə qoşulmaqdan imtina edən ölkələr arasında ticarət həcminə görə Çin lider olaraq qalır: 17,9% və ya 140,7 milyard dollar Dost ölkələr arasında ilk üçlüyə həmçinin Belarus (4,9 faiz və ya 38,4 milyard dollar) və Türkiyə (4,2 faiz və ya 33 milyard dollar) daxildir.
Rüfət
Alp.Az
