Belqorod vilayətindəki rus qoşunları Ukraynanın şərqinə doğru irəliləməyə davam edir.
Alp.Az UNİAN-a istinadla xəbər verir ki, bunu “Maxar Technologies” şirkətinin “Twitter”də dərc olunan şəkilləri sübut edir.
Onlar 14k-34 şossesi və Qərbi Rusiyanın Soloti və Valuyki yaşayış məntəqələrindən gedən dəhliz boyunca döyüş yerlərini göstərir.
Yayımlanan görüntülərin 11 aprel 2022-ci ildə çəkildiyi qeyd edilir.
Həmin ərəfədə böyük hərbi texnika karvanının Rostov vilayətindən Donbasa doğru hərəkət etdiyi bildirilirdi.
Ukrayna və Qərb rəsmiləri son günlər Rusiyanın Kiyevi ələ keçirmək cəhdində ciddi uğursuzluqlardan sonra Donbasa rus qoşunlarının yeridildiyini gördüklərini bildiriblər.
Rüfət
Alp.Az
