Ukraynanın daxili işlər nazirinin müşaviri Anton Geraşenko öz “Youtube” kanalında rusiyalı hərbçilərin telefon danışıqlarını əks etdirən növbəti səs yazılarını paylaşıb.
Alp.Az xəbər verir ki, rusiyalı hərbçi “Aleksandr ata” deyə müraciət etdiyi – çox güman ki, keşişlə söhbətində rusiyalı əsgərlərin döyüşmək istəmədiyini, yerli əhalinin isə heç bir “köməyə” ehtiyacı olmadığını bildirib.
Rusiyalı hərbçi qeyd edib ki, Rusiya tərəfi bu münaqişədə səhvdir.
“Biz özümüzü faşist və işğalçı hesab edirik! Yerli insanlarla söhbət edirəm, onlara heç kim heç nə etmirdi. Biz bu məsələdə səhvik. Bu mənim fikrimdir, biz burda nasist, faşist görmürük”, – deyə hərbçi vurğulayıb.
O, həmçinin öz taqımında olan əsgərlərin silahı yerə qoyduğunu və döyüşmək istəmədiyini əlavə edib.
Digər söhbətlərdə də oxşar məqamlar yer alır: Rusiya ordusunun böyük itki verdiyi, onlara ərzaq çatdırılmadığını, RF əsgərlərinin ancaq qarətçiliklə yaşadıqları qeyd olunur.
Həmçinin, başqa bir rusiyalı hərbçi həyat yoldaşına fəxrlə danışır ki, hansı evə istəsələr girirlər, nə istəsələr götürürlər.
Rüfət
Alp.Az
