Mariya Zaxarova: “Dünya artıq kimin yalan danışdığını bilir”
“ABŞ siyasətçiləri Rusiyanın Ukraynaya hücumu ilə bağlı yalan danışırlar”. Alp.az xəbər verir ki, bu sözləri Rusiyanın Xarici İşlər Nazirliyinin sözçüsü Mariya Zaxarova özünün “Telegram” kanalında bildirib.
Zaxarova misal olaraq, ABŞ-ın milli təhlükəsizlik üzrə müşaviri Ceyk Sallivanın açıqlamasını xatırladıb: “Sallivan əvvəllər Rusiya Federasiyasının Ukraynaya hücum üçün bəhanə yaradacağına hazır olmağın lazımı olduğunu bildirmişdi: “Dünya artıq kimin yalan danışdığını bilir”.
“Vaşinqtonun necə hücum üçün bəhanələr yaratdığını unudanlar isə 2003-cü il fevralın 5-də ABŞ-ın dövlət katibi Kolin Pauelin BMT Təhlükəsizlik Şurasındakı çıxışına baxsınlar”, – Zaxarova Pauelin İraqla bağlı bəyanatını xatırladıb.
Daha əvvəl Sallivan bildirib ki, ABŞ hakimiyyəti Rusiyanın Ukraynaya müdaxiləsi ilə bağlı dəqiq tarix verə bilmir, lakin bunun hər gün baş verə biləcəyini gözləyir. Eyni zamanda, ABŞ Prezidentinin köməkçisi qeyd edib ki, işğal növbəti həftədə, Çindəki Qış Olimpia Oyunları başa çatmamış baş verə bilər.
ABŞ Prezidenti Co Bayden isə Rusiyanın Ukraynaya müdaxiləsi tarixi kimi fevralın 16-sını göstərib. ABŞ dövlət katibi Antoni Blinken isə Baydenin bəyanatını hansısa şəkildə təsdiqləməkdən imtina edib.Ayna.az
