Müdafiə Nazirliyinin reysləri ilə Qazaxıstandan 1422 nəfər Rusiyaya qayıdıb. Bu barədə Rusiya Xarici İşlər Nazirliyinin mətbuat xidməti məlumat yayıb.
“Yanvarın 9-da Müdafiə Nazirliyinin hərbi-nəqliyyat təyyarələri ilə 1422 nəfər Alma-Atadan qayıdıb”, – məlumatda deyilir.
Ümumilikdə Almatıdan 13 reys göndərilib. Onlardan ikisi artıq Çkalovski aerodromuna enib.
Daha əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, nazirliyin məlumatına görə, təxminən 1600 rusiyalı Qazaxıstanı tərk etmək istəyir. Bundan əvvəl bildirilmişdi ki, yanvarın 9-da respublikadan on təxliyə reysi planlaşdırılır.
Rusiyanın Almatıdakı konsulluğu aydınlaşdırıb ki, Rusiya vətəndaşlarının hərbi aviasiya ilə təxliyyəsi hamı çıxarılana qədər davam edəcək.
