ABŞ Birləşmiş Millətlər Təşkilatının Təhlükəsizlik Şurasını Ukrayna və Rusiya arasındakı böhranı müzakirə etmək üçün iclasa çağırıb.
ABŞ-ın BMT-dəki daimi nümayəndəsi Linda Tomas Qrinfild verdiyi açıqlamada “Rusiyanın Ukraynaya qarşı təhdidedici davranışı və Rusiya qoşunlarının Ukrayna sərhədində və Belarusa yığınaq edilməsi qarşısında” yanvarın 31-də BMT Təhlükəsizlik Şurasını iclasa çağırdıqlarını bildirib.
Avropaya və qlobal sülh və təhlükəsizliyə təhdid qarşısında gərginliyi diplomatiya yolu ilə azaltmağa çalışdıqlarını bildirən Tomas Qrinfild BMT Təhlükəsizlik Şurasının diplomatiya üçün çox vacib yer olduğunu vurğulayıb.
