image-ads_2000x150
image-381764_res_01backend

Rusiyada şok:  Nadir Məmmədov Armen Avetisyanla birləşib 18 nəfəri öldürdü 

image-ads_728x90

Rusiyada son bir neçə gün ərzində saxta spirtli içkidən daha bir kütləvi ölüm baş verib. Alp.az xəbər verir ki, Yekaterinburqda metanoldan hazırlanmış saxta araqdan ölənlərin sayı 18 nəfərə çatıb. Bu haqda ötən gün oktyabrın 16-da Sverdlovsk vilayəti üzrə İstintaq Komitəsi bildirib.

Saxta araq hazırlanmasını və satışını həyata keçirən iki nəfərin saxlanıldığı bildirilir. Rusiya Daxili İşlər Nazirliyinin Sverdlovsk vilayəti üzrə Baş idarəsinin yaydığı məlumata əsasən bunlar içkini satan 54 yaşlı Nadir Məmmədov və onun şəriki, 42 yaşlı Armen Avetisyandır.

Hakim “Vahid Rusiya” partiyasının vilayət üzrə “Xalq nəzarəti” layihəsinin koordinatoru Dmitri Çukreyev bildirib ki, saxta alkoqol Yekaterinburqun “Botanika” bazarında satılır.

“Bu işə rəhbərlik edən Ermənistan vətəndaşıdır, o hüquq-mühafizə orqanlarına yaxşı tanışdır. Əvvəllər araq hazırlamaq üçün təmiz spirt satırdı. Uzun müddət bu işlə məşğul olub və görünür bu dəfə ona satışa etil yox, metil spirti daxil olub. Bu adamın qanunsuz fəaliyyəti əvvəldən məlum idi, amma qanuna görə ona qarşı inzibati məsuliyyətdən başqa heç bir tədbir görmək olmurdu. Bazarın administrasiyası orada sahibkarların saxta içki hazırlayıb əhalini zəhərlədiyi haqda xəbərdarlıqlarımıza heç bir reaksiya vermirdi, onların vecinə də deyildi”, – Çukreyev bildirib.

Xatırladaq ki, bir neçə gün əvvəl Rusiyanın Qazaxıstanla sərhəd Orenburq vilayətində metanoldan hazırlanmış saxta alkoqoldan kütləvi ölüm baş vermişdi. Bu zaman azı 33 nəfərin öldüyü bildirilirdi, onlarla adam isə ağır zəhərlənmə diaqnozu ilə xəstəxanalara yerləşdirilib. Saxta alkoqolun topdansatışını həyata keçirən 3 azərbaycanlı həbs edilib.virtualaz.org

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki