44 günlük Vətən müharibəsindən sonra 2020-ci ilin noyabrın 10-da üçtərəfli bəyanat imzalandı. Bəyanətin müddəlarında Naxçıvan və Azərbaycanın qərb bölgələri arasında nəqliyyat əlaqələrinin təmin edilməsi də göstərilirdi. Lakin zaman keçdikdə Rusiya mətbuatının bu məsələyə qısqanclıqla yanaşdığı ortaya çıxdı. Əslində Ermənistan tərəfi də bəyanatdan irəli gələn şərtlərin heç birinə əməl etmədi. Görünən odur ki, Ermənistan rəsmi Moskvanın diktəsi ilə bu oyunda oynamağa davam edir. Azərbaycan mütamadi olaraq Naxçıvan və Azərbaycanın qərb bölgələri arasında nəqliyyat əlaqələrinin təmin edilməsi üçün mütləq “Zəngəzur dəhlizi”nin açılmasını təmin edəcəyini bəyan edir. Ölkə başçısı İlham Əliyev bütün çıxışlarında “Zəngəzur dəhlizi”nin açılacağını əminliklə söyləyir:
“Zəngilanı Naxçıvanla ayıran cəmi 40 kilometrlik Zəngəzur dəhlizidir, hansı ki, açılmalıdır və açılacaqdır”.
“Zəngəzur dəhlizi”nin açılmasına hansı güclər mane olur?. Bu sualla Alp.az olaraq hərbi ekspert Ramil Məmmədliyə müraciət etdik.
Hərbi ekspert hesab edir ki, “Zəngəzur dəhlizi”nin açılmasına indiki dövrdə mane olan Rusiya və Ermənistandır. Ekspert hesab edir ki, “Zəngəzur dəhlizi”nin açılması Rusiyanın regionda gücünü azaldacaq. Məhz buna görə Rusiya bu dəhlizin açılmaması üçün bütün gücündən istifadə edir:
” Rusiya regionda öz varlığını nümayiş etdirmək üçün bütün gücündən istifadə edir. “Zəngəzur dəhlizi”nin açılması Türkiyə və Azərbaycanın nüfuzunu artıracaq. Sözsüz ki, Rusiya Azərbaycanın və Türkiyənin Cənubi Qafqazda güclənməsini qəbul etmir. Həmçinin rus analtikləri hesab edir ki, əgər bu dəhliz açılsa Rusiya Ermənistandakı nəzarəti itirəcək. Məhz bu səbəbdən Rusiya bu dəhlizin açılmasını istəmir. Amma tam əminliklə deyirəm, “Zəngəzur dəhlizi” açılacaq. Rusiya regiondakı nüfüzunun artıq itirdiyinin fərqindədir. Bu “rus ayısı”nın son güc nümayişidir. ”
