Utanın, ölün və yerə girin!
Rusiyanın Azərbaycan ərazilərində müvəqqəti yerləşdirilən sülhməramlı kontingentinin rəhbərliyi növbəti dəfə həddini aşaraq Azərbacan əleyhinə həqiqətə uyğun olmayan informasiya dərc edib. Rusiya Müdafiə Nazirliyinin rəsmi saytında artıq neçənci dəfədir ki, sülhməramlıların funksiyalarının yerinə yetirilməsində bitərəf olmadığını təsdiqləyən məlumatlara rast gəlirik. Gah xəritələrdə özlərinin nəzarətində olan əraziləri genişləndirirlər, gah da bu ərazilərdə baş verən insidentə görə Azərbaycan tərəfini günahlandırırlar.
Rusiya Müdafiə Nazirliyi 10 oktyabr Bakı vaxtilə saat 20:00-da n rəsmi saytında belə bir məlumat paylaşıb: “Oktyabrın 9 -da Mardakert (Ağdərə) bölgəsində, təmas xətti yaxınlığında kənd təsərrüfatı işləri apararkən Madagiz (Suqovuşan) kəndindən olan bir mülki şəxs Azərbaycan tərəfindən atəşə tutulması nəticəsində ölümcül yaralanıb. Rusiya kontingentinin komandanlığı hər iki tərəfin nümayəndələrinin iştirakı ilə hadisəni araşdırır”.
Rusiya Müdafiə Nazirliyinin məlumatından hələ əvvəl, oktyabrın 9-da Azərbaycan Müdafiə Nazirliyi bildirdi ki, Ermənistan mətbuatında Azərbaycan Ordusunun bölmələri tərəfindən Ağdərə istiqamətində guya atəş açılması nəticəsində traktor sürücüsünün ölməsi, Arazdəyən istiqamətində isə erməni hərbi qulluqçusunun yaralanması barədə yayılan məlumatlar yalandır və həqiqəti əks etdirmir. Rusiya Müdafiə Nazirliyi növbəti dəfə Azərbaycan MN-in rəsmi məlumatını yox, qəsbkar erməni tərəfinin yalanını təsdiqləməsi təəssüf hissi doğurur. Bu sülhməramlı fəaliyyətin birgə Bəyanatın şərtlrinə uyğun olmadığını və neytrallığın qorunmadığını göstərir.
Əgər Azərbaycan tərəfi Qarabağda mülki ermənilərin öldürülməsində maraqlı olsaydı, keçən ilin noyabrında dar dağ yollarında 3-4 km-lərlə uzanan erməni maşın karvanlarından bir dənə erməni xilas ola bilməzdi. Bunu heç vaxt etməmişik, bu dəfə də etmədik, gələcəkdə də etməyəcəyik, çünki biz erməni deyilik.
İndi is hadisə bardə düşündüklərimi yazacam. Mən daim erməni KİV-lərini izləyirəm. Bu hadisəni də nəzərdən qaçırmamışam. Oktyabrın 9-da səhər Ermənistan mətbuatı Ağdərə ərazisində əvvəlcə polisin, sonra isə gündüz saatlarında yerli sakinin həlak olması haqda informasiyalar yaydılar. Erməni polis 2 saat ərzində yerli sakinə çevrildi. Sonradan Ermənistan tərəfi yerli sakini tarlada işləyən traktorçuya transformasiya etdilər. Sonda isə bu şəxsin bağda olduğu və snayper tərəfindən öldürüldüyü iddia edildi. Bəzi erməni saytları bir az da irəli gedərək, həmin şəxsin guya Rusiya hərbçilərinin gözü qarşısında vurulduğunu yazdı. Təbii ki, bir erməninin həlak olması və ya ölməsi barədə informasiyanın motivlərini 6 saat içində 4-5 dəfə dəyişmək məqsədsiz ola bilməzdi. Rusiya və Ermənistanın ortaq məqsədi isə bunlardır:
1. Nə olursa olsun, baş verən istənilən xoşagəlməz hadisədə, Azərbaycanı günahlandırmaq;
2. Qarabağda qalan yerli erməniləri Azərbaycan ilə birgə yaşayışın mümkünsüzlüyünə inandırmaq;
3. Sülhməramlı fəaliyyəti maksimum müddətə uzatmaq.
Əslində bu gün baş verən proseslərin hamısı, o cümlədən Vətən Müharibəsi və ermənilərin başına gələn faciələr, Rusiyanın 30 ildə Ermənistanı silahlandırmasının məntiqi nəticəsidir. Əgər Ermənistan rus silahına malik olmasaydı, nə Azərbaycan əraziləri işğal oluna bilməzdi, nə bu ərazilər 30 ilə yaxın talan edilməzdi, nə də Ermənistan müharibədə məğlub olmazdı.
Proseslərə bu günün prizmasından yanaşan Rusiya əfsuslar olsun ki, sülhməramlı tərəf kimi üzərinə götürdüyü funksiyaları hələ də tam yerinə yetirməyib. Nəzarət etdikləri ərazilərdən erməni siahlılarını çıxarmaq məsələsini görməzdən gələn Rusiya tərəfinin bu davranışları iki münaqişə tərəfi arasında problemləri süni şəkildə uzatmağa və regionda öz iştirakını uzatmağa hesablanıb, lakin dəfələrlə tərəf tutan sülhməramlıların müqəddəs Qarabağ ərazisində Bəyanatda göstərilən müddətdən artıq qalmasına nə Azərbaycan xalqının, nə də Azərbaycan rəhbərliyinin razı olacağı real görünmür. Hadisələrin bu istiqamətdə inkişafı sülhməramlı kontingentin fəaliyyətini davam etdirməsi məsələsini referenduma çıxarılmasını da gündəmə gətirə bilər.
P.S. Xocalı və Gəncə soyqırımları zamanı Kremlin verdiyi raket və digər silahlarla yüzlərlə Azərbaycan vətəndaşının həlak olmasını görmək lazım olanda 30 il ərzində gözü kor olan Rusiyanın Müdafiə Nazirliyi, nə yaxşı bir gündə 5 cildə girən bir erməninin yaralanmasını saatlar içində görə bildi? Utanın, ölün və yerə girin!moderator.az
Ədalət Verdiyev, hərbi ekspert
