Rusiya sülhməramlıları Qazaxıstanda hava kəşfiyyatı aparmağa başlayıb. Alp.az xəbər verir ki, sülhməramlılar aerodromları, çörək zavodlarını, istilik elektrik stansiyalarını, televiziya mərkəzlərini qoruyur.
KTMT-nin Qazaxıstandakı sülhməramlıları dörd hava kəşfiyyatı zonasında pilotsuz uçuş aparatlarının köməyi ilə gecə-gündüz monitorinq aparır. Bu barədə jurnalistlərə Rusiya Federasiyası Müdafiə Nazirliyindən məlumat verilib.
“KTMT-nin kollektiv sülhməramlı qüvvələrinin bölmələri tərəfindən tapşırıqların yerinə yetirildiyi ərazilərdə vəziyyətə nəzarət etmək üçün pilotsuz uçuş aparatlarının bölmələri cəlb olunub. Dörd hava kəşfiyyatı zonasında pilotsuz uçuş aparatları ilə vəziyyətin monitorinqi gecə-gündüz aparılır. Nəticələri real vaxt rejimində mobil komanda məntəqələrinə göndərilir”, – məlumatda deyilir.
