“Artıq düz bir aydır ki, Rusiya Ukraynaya qarşı genişmiqyaslı müharibə aparır. Artıq düz bir aydır ki, qoşunlarımız düşmənə layiqli cavab verir, “azadçılar” isə böyük itkilərə görə növbəti hərbi əməliyyatların planlarına düzəlişlər edir”.
Alp.Az UNIAN-a istinadla xəbər verir ki, bu barədə Ukrayna Silahlı Qüvvələri Baş Qərargahının 24 mart 2022-ci il saat 12:00-a olan əməliyyat icmalında deyilir.
Ukrayna Silahlı Qüvvələrinin rəhbərliyi bəyan edib ki, ruslar öz qoşunlarını və texnikasını qonşu Belarusa və müvəqqəti işğal olunmuş Krıma köçürür. Beləliklə, onlar Kiyevi mühasirəyə almaq məqsədi ilə növbəti hücum hərəkətləri həyata keçirməyə hazırlaşırlar.
Qeyd olunur ki, Rusiya hərbi rəhbərliyi mövcud qüvvə və vasitələrin müvəqqəti işğal olunmuş əraziləri saxlamaq və müdafiə əməliyyatları aparmaq üçün kifayət etmədiyini anlamağa başlayıb.
Bu arada düşmən xeyli itki verməkdə davam edir. 2022-ci il martın 24-nə olan məlumata görə, işğalçılar 15,8 minə yaxın şəxsi heyətini itirib. Ehtiyatların tam olmaması səbəbindən işğalçılar hətta borcluları və alimentləri də Ukrayna ilə müharibə etmək üçün səfərbər edirlər. Terror və soyqırım üçün bütün kredit öhdəliklərindən azad olunacağını vəd edirlər.
Bundan əvvəl bildirilmişdi ki, işğalçılar yerli əhali arasında etirazların dərəcəsini azaltmaq üçün Xersonda “böyük terror” təşkil etməyi planlaşdırırlar. Bu, yerli sakinlərin oğurlanaraq Rusiyaya köçürülməsindən ibarət olacaq.
Ukrayna hökumətinin və beynəlxalq humanitar təşkilatların səylərinə baxmayaraq, Rusiya Federasiyası indiyədək mülki şəxslərin təxliyyəsi və ərzaqların çatdırılması üçün humanitar dəhliz yaratmaqdan imtina edib.
Rüfət
Alp.Az
