Rusiya hərb sənayesi daha bir uğura imza atır. Rusiya hərbi mənbələrinin məlumatına görə Su-30 ailəsi ikinci dəfə dünya döyüş təyyarələri bazarını fəth edə bilər. Alp.az xəbər verir ki, Rusiya hərb sənayesinin hazırladığı Su-30-ların yeni modivikasiya olunmuş versiyası təqdim olunur.
Dünya bazarında postsovet dövrünün ən uğurlu yerli qırıcısı Su-30 ailəsi hesab edilirdi. 2021-ci il ailənin inkişafında yeni mərhələ ilə yadda qaldı. Su-30-un tarixi və onun yeni perspektivləri haqqında Rusiya Beynəlxalq İşlər Şurasının (RİAC) eksperti Aleksandr Ermakovun müəllifi olduğu yazını ixtisarla diqqətinizə çatdırırıq.
Su-30 SSRİ-nin mövcudluğunun son illərində yaranıb. Bu, ölkənin hava hücumundan müdafiə qüvvələri üçün yeni yeni təyyarə qısa zamanda bir çox ölkələrin diqqətini cəlb etdi. Mətbuata açıqlanmasada aydın idi ki, bu nəsil təyyarələr dünyanın çox ölkəsinə satılıb. Bu təyyarələrin bir çox özəlliyi var idi.
Sözsüz ki, əsas özəllik o dövr üçün müasir naviqasiya sisteminin məhz bu təyyarədə olması idi.
Əvvəlcə təyyarəyə Su-27PU adı verilmişdi. Təyyarə havada yanacaq doldurma sistemi, təkmilləşdirilmiş naviqasiya, silahlara nəzarət və rabitə sistemləri quraşdırılımışdı. Qısa zaman sonra təyyarə Su-30 adını aldı.
1992-ci ildən qısa seriyalarla buraxılan bu təyyarə daha çox ərəb ölkələrinə satılırdı.
Bir qədər sonra Su-30 -ları yenidən təkmilləşdirməyə qərar verdilər.
Razılaşmalar əsasında aydın oldu ki, o dövrdə gizli saxlanılan Çin və Hindistanla müqavilə bağlanıb. 1996-cı ildə Hindistanla ilk Su-30MKI (Modernized Commercial Indian), 1998-ci ildə isə Çin ilə Su-30MKK (Çin) üçün taleyüklü müqavilə imzalandı.
Yeni modivikasiya olunmuş təyyarələrin ilk satışı başlandı .Çin 100 ədəd, Venesueladan 24 ədəd, Vyetnamdan 60 ədəd, İndoneziyadan 11 ədəd, Uqandadan 6 ədəd bu təyyarədən aldı.
Artıq hərbi mənbələr iddia edir ki, Rusiya ən müasir Su-30-ların yeni modivikasiya olunmuş versiyasını dünya bazarına çıxarır. Hərbi ekspertlər iddia edir ki, bu yeni modivikasiya olunmuş təyyarə dünya bazarına səs salacaq.
