Ukraynadan anasına zəng edən rus hərbçinin danışıqları dinləyənləri dəhşətə gətirir.
Alp.Az xəbər verir ki, səs yazısı Ukrayna daxili işlər nazirinin müşaviri Anton Geraşenko tərəfindən “Youtube” platformasına yerləşdirilib.
Rusiyalı hərbçi telefonda anasına deyir ki, ukraynalı əsirlərə nə qədər işgəncə versələr də, onlar susub danışmırlar: “Bizim uşaqlar onlardan kimi tutursa… barmaqlarını qırırlar, eləcə susub otururlar. Görünür, yaxşı hazırlanıblar”.
Anası isə deyir ki, “onlar “bender”lərdir, faşistlərdən də betərdir, hamısını qırmaq lazımdır”.
Daha sonra isə hərbçi evləri qarət etməsindən, noutbuk və ətir götürməsindən danışır.
Bu an rus qadının yadına Tanrı düşür: “Sən çox da həddini aşma ha, Tanrı görür”.
Qeyd edək ki, Anton Geraşenko bu cür səs yazılarından kanalına onlarla yükləyib. Səs yazılarının bir çoxunda rus qadınları müharibədə olan övladları və ərlərindən evə qızıl-gümüş, bahalı əşyalar, xəz palto və hətta mikser gətirməyi xahiş edirlər.
Rüfət
Alp.Az
