“Mən, sadəcə, dünyanın ən zəngin təbii resurslarına malik ölkələrdən birində dinc yaşamaq istəyirəm…”
Özünü Qazaxıstanın sadə sakini kimi təqdim edən Colal-Kasımov Rafik az əvvəl Qazaxıstan xalqına, eləcə də KTMT üzvü olan Rusiya, Ermənistan və Belarus xalqlarına ünvanlanmış ibrətamiz video-müraciət yayıb:
Alp.az həmin müraciətin tərcüməsini kiçik ixtisarla nəzərinizə çatdırır:
“Bizim ölkəmizdə dava var, biz öz rəhbərliyimizlə dava edirik. Ancaq bunun xaricdəki heç kəsə dəxli yoxdur. Ölkənin daxili işlərinə istənilən müdaxilə təcavüz kimi dəyərləndirilir. Bu, işğaldır. İnformasilar yayılıb ki, hansısa müqaviləyə görə Qazaxıstana qoşun yeritməyə hazırlaşırlar. KTMT müqavuləsi üzv ölkələrin ilk növbədə xarici işğalçılardan qorunması məqsədini güdür. Öz daxilimizdə, öz evimizdə biz məsələlərimizi özümüz həll edərik. Qazax xalqının dostluğunu hiss etmiş bütün xalqların nümayəndələrindən xahiş edirik, bizə kömək edin, kiminsə bizim ölkəmizə hücum edərək bizim torpaqlarımızı tapdamasına imkan verməyin…
Tokayev başda olmaqla bizim keçmiş və indiki rəhbərlərimizə müraciət edirəm; siz cinayət törətmisiz, siz Vətənə xəyanət etmisiz, siz xarici güclərə söykənirsiniz. Siz xarici dövlətlərin Qazaxıstanın daxili işlərinə qarışmasına çağırırsınız. Halbuki, bu, yalnız bizim öz daxili işimizdir. Əgər siz qoyunlar öz xalqınızla dialoqu təmin edib dil tapa bilmirsinizsə, nəyə görə kimsə xaricdən dəyənək və avtomatla məni tərbiyə etməlidir, mənim övladlarımı tərbiyə etməlidir, bizə hansı qanunlarla yaşamağı öyrətməlidir…
Mən şəxsən əlimə silah götürməmişəm. Biz bu gün şəhərdə, sadəcə, gəzmişik. Ancaq mən kürəyimdən güllə yarası almışam. Bunu atəş açmayacaqlarını vəd etmiş polkovnik etdi…
Hamınız nəzərə alın ki, qazax xalqı xarici qüvvələri ölkəmizə çağıran Tokayev tərəfindən məkrlə satılıb… Bütün Qazaxıstan xalqından xahiş edirəm, Almatıya gəlin… Meydandan bu saat gəlmişəm- ölülər və yaralılar var… Ancaq bu, yenə də bizim daxili işimizdir… Məni tanıyanlar hamısı bilir ki, mən heç vaxt dövlət vəzifələri tutmamışam və bundan sonra da buna hazırlaşmıram. Mən, sadəcə, dünyanın ən zəngin təbii resurslarına malik ölkələrdən birində dinc yaşamaq istəyirəm. Belə bir ölkədə biz qaz qiyməti davası etməməliyik, bu, alçaldıcıdır… Və xalq bu alçalmalara dözmədi… Bu, 30 illik yalan və aldatma problemini işə salmış triker oldu. Bu yay 30 il idi ki, sıxılırdı, nəhayət, dünən o, atıldı…
Bəli, destruktiv qüvvələr də var, cinayətlər də olub. Lakin bu, bizim daxili işimizdir. Mənim müraciətimi yayın… Biz öz problemimizi özümüz həll edəcəyik… Əgər kimsə bizim işimizə müdaxilə etməyə girişsə, bu, onun həyatdakı sonuncu hərəkəti olacaq…”- Qazaxıstan vətəndaşı belə deyib.Moderator
