Sosial şəbəkənin erməni seqmentində Qarabağda yeni müharibə cağırışı edilir. Əslində Qarabağda nə baş verir? Son günlər baş verən hadisələr əslində ermənilərin yeni müharibə arzusuna düşdüklərini sübut edir. Əslində erməni tərəfini təxribat törədəcəyi aydın idi. Çünki biri-birinin ardınca erməni tərəfi Qarabağda gənclərdə vətənpərvərlik hissinin gücləndirilməsi, gənclərin atıcılıq qabiliyyətinin yüksəldilməsi üçün kurslar keçirməsi və bu əsnada müharibə cağırışları etməsi onların niyyətini bəlli edirdi. Həmçinin son günlər Azərbaycan- Ermənistan sərhədlərinin delmitasiyası məsələsi önə çıxdığından ermənilər köhnə şakərlərini işə salacaqları bəlli idi idi. Bu təxribat idi. Bütün dövrlərdə ermənilər danışıqlar gedən ərəfədə təxribat törətdiyi hər kəsə bəllidir. Bu təxribat niyə baş verdi?
Paşinyan Rusiyada Putin ilə görüşür;
Növbəti gün Suqovuşandan Kəlbəcərə hərəkət edən avtomobil qanunsuz erməni silahlı dəstələri tərəfindən atəşə məruz qalır;
Dünən Füzuli səmasında kəşfiyyat məqsədilə uçuş aparan erməni PUA-sı ordumuz tərəfində ələ keçirilir;
Axşam saatlarında Azərbaycan və Ermənistan XİN başçıları görüşür;
Həmin saatlarda qanunsuz erməni silahlı dəstələri əsgərimizi şəhid edir.
Bütün bu hadisələrə isə Azərbaycanın Qarabağ bölgəsində müvəqqəti olaraq məskunlaşan rus sülhməramlıları seyrçi mövqeyində çıxış edir.
Hadisənin keçmiş Ağdərə rayonu ərazisində baş verdiyi, nəticədə ən azı 6 erməni əsgərin yaralandığı bildirilir. Onlardan ikisinin vəziyyəti kritik-ağırdır.
Erməni Teleqram kanallarında isə atışma nəticəsində ölənlərin də olduğu bildirilib. Ancaq Ermənistan MN ölənlərlə bağlı məlumat yaymayıb.
Ermənistan MN guya ermənilərin Azərbaycan Ordusunun atəşi nəticəsində yaralandığını iddia edib.
Qeyd edək ki, bundan öncə Azərbaycan MN açıqlama yayaraq, sözügedən ərazidə erməni əsgərlər arasında atışma baş verdiyini bildirib.
Xatırladaq ki, dünən Qarabağdakı qanunsuz erməni silahlı birləşmələrinin törətdiyi terror aktı nəticəsində əsgərimiz Əfqan Həmzəyev şəhid olub.
İndi isə ermənilərə bağlı Teleqram kanalları iddia edir ki, ərazidə olan erməni silahlılarına Azərbaycan tərəfi bu gün 14:00-a qədər vaxt verib. Əgər Silahlı ermənilər ərazini tərk etməsə Azərbaycan tərəfi anti-terror əməliyyatı keçirəcək. Ermənilərin yazdığını Müdafiə Nazirliyinin dünən axşam yaydığı açıqlama ilə də əlaqələndirmək olar. Xatırladaq ki, dünən axşam Azərbaycanın Müdafiə Nazirliyi baş vermiş təxribatla bağlı Ermənistana sərt xəbərdarlıq etmişdi. Nazirliyin açıqlamasında deyilirdi:
Bu terror əməlini törətmiş qanunsuz erməni silahlı dəstələrinin neytrallaşdırılması və qanun qarşısında cavab vermələrini təmin etmək üçün qəti addımlar bundan sonra da davam etdiriləcək.
Məncə artıq açıqlama, günahlandırma dövrünü bitirmək və Azərbaycan tərəfi anti-terror əməliyyatı keçirməlidir.
Qoşqar Salmanlı
