İkinci qrup Qarabağ qazisi Rövşən Məmmədov intihar edib.
Bu barədə məlumatı “Qarabağ qaziləri” ictimai birliyinin mətbuat xidmətinin rəhbəri Rey Kərimoğlu sosial şəbəkədə paylaşıb.
“Əslən Cəbrayıl rayonundan olan Məmmədov Rövşən sonuncu dəfə 25 ildir ala bilmədiyi sığorta pulunu almaq üçün “Azərsığorta”ya gedib. Verməyiblər. Orada əsəbləşib və gedib özünü asıb! Bu insan konkret olaraq kasıblıqdan əziyyət çəkdiyi üçün intihar edib! Qazilər arsında “köhnə”, “təzə qazi”, 1-ci, 2-ci müharibə ayrı-seçkiliyin dərhal dayandırmaq lazımdır!” – deyə R.Kərimoğlu bildirib.
Rövşən Məmmədov 1992-94 cü illərdə Qarabağ uğrunda gedən ağır döyüşlərdə iştirak edib.
